Пчалярскія і сельскагаспадарчыя прадпрыемствы, а таксама індывідуальныя жывёлаводы цяпер могуць карыстацца новай паслугай дзяржаўнага прадпрыемства Poczta Polska — дастаўкай жывых пчол
Магчымасць бяспечнай дастаўкі жывых пчол прадстаўляецца ў рамках паслугі Pocztex, і гэта першая паслуга такога тыпу ў Польшчы. Працэдуры былі распрацаваны ў супрацоўніцтве з экспертамі Польскай асацыяцыі разводчыкаў пчаліных матак.
«У Польшчы зарэгістравана каля 100 тысяч пчаляроў. Дзякуючы высокім стандартам транспарту пчол мы падтрымліваем развіццё пчалярства і спрыяем захаванню біяразнастайнасці», — перакананая экспертка асацыяцыі Моніка Лелень.
Пчолы апыляюць каля 70% харчовых культур у свеце, што робіць іх незаменнымі для сельскай гаспадаркі і садаводства, а значыць, для глабальнай харчовай бяспекі.
Poczta Polska — гэта найбуйнейшы паштовы аператар на польскім рынку. На прадпрыемстве працуе больш за 51,6 тыс. чалавек.
PAP/эж